காந்திநகர்: 19 வயதுக்கு உட்பட்டோருக்கான திவான் பல்லுபாய் கோப்பை கிரிக்கெட் தொடர் குஜராத்தில் உள்ள காந்தி நகரில் நடைபெற்று வருகிறது. இதன் ஒரு ஆட்டத்தில் செயின்ட் சேவியர்ஸ் (லயோலா) – ஜேஎல் இங்கிலிஷ் பள்ளி அணிகள் ஷிவாய் மைதானத்தில் விளையாடின. இதில் செயின்ட் சேவியர்ஸ் அணிக்காக களமிறங்கிய 18 வயது பேட்ஸ்மேனான துரோணா தேசாய் 320 பந்துகளில், 7 சிக்ஸர்கள், 86 பவுண்டரிகளுடன் 498 ரன்கள் குவித்து ஆட்டமிழந்தார்.
இதன் மூலம் துரோணா தேசாய், இந்திய கிரிக்கெட் வரலாற்றில் அதிக ரன்கள் குவித்தவர்களின் பட்டியலில் இணைந்தார். இதற்கு முன்னர் மும்பையின் பிரணவ் தனவாடே (1009*), பிரித்வி ஷா (546), ஹவேவாலா (515), சமன்லால் (506*), அர்மான் ஜாபர் (498) ஆகியோரும் ஒரே இன்னிங்ஸில் அதிக ரன்களை வேட்டையாடி இருந்தனர். துரோணா தேசாயின் அபாரமான ஆட்டத்தால் செயின்ட் சேவியர்ஸ் அணி இன்னிங்ஸ் மற்றும் 712 ரன்கள் வித்தியாசத்தில் வெற்றி பெற்றது.
