மாலை நேரம் குழந்தைகளுக்கு வீட்டிலேயே செய்யக்கூடிய சிந்தி ஸ்நாக்ஸ் ரெசிபி..!

மாலை நேரத்தில் பள்ளியில் இருந்து வரும் குழந்தைகளுக்கு என்ன ஸ்னாக்ஸ் செய்து கொடுப்பது என்ற குழப்பம் எல்லா அம்மாக்களுக்கும் இருப்பது இயல்பு தான். குழந்தைகளுக்கு சாப்பிட சுவாரசியமாகவும் இருக்க வேண்டும். அதேநேரம் ஆரோக்கியமானதாகவும் இருக்க வேண்டும்.

அதே நேரம் குறைந்த நேரத்தில் செய்வதாக இருக்க வேண்டும். நீண்ட நேரம் அதில் செலவானால், இரவு உணவை எப்போது செய்வது? எப்போது சாப்பிடுவது என்ற கேள்வியும் எழும். அதனால் வெறும் 20 நிமிடங்களில் செய்யக்கூடிய ஒரு ஸ்னாக்ஸ் ரெசிபியை தான் இப்போது சொல்ல இருக்கிறோம்.

உருளைக்கிழங்கு , டிக்கி இரண்டுமே குழந்தைகளுக்கு பிடித்தவை. உருளைக்கிழங்கை வைத்து டிக்கி செய்யும் முறையில் ஒரு சின்ன சிந்தி வகை சமையலையையும் உள்ளே புகுத்தி செய்யக்கூடிய ஸ்னாக்ஸ் தான் இது. சரி சமையலுக்கு வருவோம்…

சிந்தி-ஸ்டைல் ​​ஆலு டிக்கியின் தேவையான பொருட்கள்

• 3 உருளைக்கிழங்கு, வேகவைத்து மசித்தது

• 3 பிரட் துண்டுகள்

• 1 டீஸ்பூன் கார்ன்ஃப்ளார்

• 2 டீஸ்பூன் எண்ணெய்

• 1 அங்குல இஞ்சி, நறுக்கியது

• 2 பச்சை மிளகாய், நறுக்கியது

• 1 வெங்காயம், நறுக்கியது

• ¼ கப் கடலைப் பருப்பு, வேகவைத்தது

• 1 கரம் மசாலா

• 1 டீஸ்பூன் சீரகம்

• உப்பு, சுவைக்க

• ஒரு கைப்பிடி கொத்தமல்லி இலை

சிந்தி-ஸ்டைல் ​​ஆலு டிக்கி செய்முறை 

இந்த டிக்கிகளை செய்ய, ஒரு பாத்திரத்தில், பிரட் துண்டுகளின் ஓரங்களை ட்ரிம் செய்து , சிறிது தண்ணீர் சேர்த்து ஓரிரு நிமிடங்கள் ஊற வைக்கவும். இப்போது, ​​மசித்த உருளைக்கிழங்கை கார்ன்ஃப்ளார் மற்றும் உப்பு சேர்த்து  நன்றாக கலந்து தனியாக வைக்கவும்.

ஒரு கடாயில் சிறிது எண்ணெயை மிதமான தீயில் வைத்து சூடாக்கவும். நறுக்கிய இஞ்சி, சீரகம், வெங்காயம், பச்சை மிளகாய் சேர்க்கவும். வெங்காயம் கொஞ்சம் பொன்னிறம் ஆகும் வரை  வதக்கவும். அடுத்து, கடலைப் பருப்பு, கரம் மசாலா மற்றும் உப்பு சேர்க்கவும். இதை சுமார்  2-3 நிமிடங்கள் மிதமான தீயில் வைத்து சமைக்கவும். கொத்தமல்லி தழை சேர்த்து நன்கு கலக்கி இறக்கிவைத்துக்கொள்ளவும்.

 இதையும் பாருங்க : 
வீட்டில் செய்யக்கூடிய சுவையான 5 மோமோ வகைகளை சொல்கிறோம்..

தயாரிக்கப்பட்ட உருளைக்கிழங்கு மற்றும் பிரட் கலவையை சம அளவு கொண்ட பாகங்களாக பிரித்து அதைத் தட்டி ஒவ்வொன்றின் உள்ளேயும் கடலை  பருப்பு கலவையை கொஞ்சம்  நிரப்பி உருட்டி  டிக்கிகளாக தட்டி எடுத்துக்கொள்ளவும்.

பின்னர் ஒரு கடாயில் எண்ணெயைச் சூடாக்கி, டிக்கிகளை மெதுவாக உள்ளே போட்டு மிதமான தீயில் வைத்து இருபுறமும்  பொன்னிறமாகவும் மொறுமொறுப்பாக  மாறும் வரை சமைக்கவும். இதை புதினா சட்னி அல்லது கெச்சப் வைத்து பரிமாறினால் மாலை பசி திவ்யமாக தீரும்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…