நடிகை ராதாவின் 10 பிரபல படங்கள் எவை? சினிமா பிரபலங்கள் பகிரும் அனுபவம்

மூத்த பத்திரிகையாளர் மக்கள்குரல் ராம்ஜி நடிகை ராதா பற்றி பிபிசி தமிழிடம் கூறுகையில், ” தமிழ் ரசிகர்களை வசீகரித்த ஜோடி ரஜினிகாந்த் – ஸ்ரீ பிரியா. ராதாவோடு கமல்ஹாசன் அதிக படங்களில் ஜோடி சேரவில்லை, இவர்கள் இணைந்த படங்களை விரல் விட்டு எண்ணி விடலாம். 1981ல் பாரதிராஜாவின் அலைகள் ஓய்வதில்லை சினிமாவில் அறிமுகமான ராதா இந்த வெற்றியின் சூட்டோடு சூட்டாக இரண்டு ஆண்டுகளுக்குப் பிறகு சீனியர் கமலோடும், ரஜினியோடும் இணை சேர்ந்தார் ” என்கிறார்

இயக்குனர் பாரதிராஜாவின் நெருங்கிய நண்பரும், கிழக்குசீமையிலே, கருத்தம்மா, கடல்பூக்கள் படங்களின் கதாசிரியரும், எழுத்தாளருமான ரத்னகுமார் பிபிசி தமிழிடம், ”நடிகை ராதா பற்றி பலமுறை என்னிடம் இயக்குனர் பாரதிராஜா வியந்து பேசியிருக்கிறார். குறிப்பாக, முதல்மரியாதை படத்தில் சிவாஜிகணேசன், ராதாவை புகழ்ந்ததை, பெருமையாக பேசியதை என்னிடம் சொல்லியிருக்கிறார்.

‘அந்த சின்ன பொண்ணு நடிப்பில் கலக்கிவிட்டது. சில காட்சிகளில் வசனம் பேசாமலே மிரட்டி விட்டாள். குறிப்பாக, ஜெயிலில் இருந்து வந்து பேசும் சீனில் என்னம்மா நடித்துவிட்டாள்’ என்று சிவாஜி கணேசன் கூறியதாக என்னிடம் சொல்லியிருக்கிறார். அப்போது ராதா சிறப்பாக நடிப்பார், அதனால்தான் இந்த படத்தில் அவரை நடிக்க வைத்தேன் என பாரதிராஜா சொல்லியிருக்கிறார்.

முதல் மரியாதை படத்தில் மலேசியா வாசுதேவன் முதலில் நடிப்பதாக இருந்தது. ஆனால், சிவாஜி கணேசன், ராதா நடித்தது படத்தை எங்கேயோ கொண்டு போய்விட்டது. சிவாஜிகணேசன் படங்களிலும் முதல்மரியாதைக்கு முக்கியமான இடமுண்டு. அதில் ராதா நடிப்பையும் பேசாமல் இருக்க முடியாது. அதேபோல் அம்மன் கோயில் கிழக்காலே படத்திலும் துறுதுறு நடிப்பில் சிறப்பாக நடித்து இருப்பார்” என்கிறார்.

அந்த கால சினிமா பத்திரிகையாளரும், மூத்த பி.ஆர்.ஓ.வுமான நெல்லை சுந்தர்ராஜன் பிபிசி தமிழிடம், ”நான், ராதா அக்கா அம்பிகாவின் மேலாளராக பணியாற்றினேன். அந்தவகையில் ராதாவுடன் நல்ல பழக்கம். அவர் வெற்றிக்கு முக்கியமான காரணம், அவர் நேரம் தவறாமை மற்றும் நடிக்கிற கேரக்டராகவே மாறும் விதம். அவர் கமிட்டான படங்கள் வரிசையாக வெற்றி பெற, தமிழில் மட்டுமல்ல, தெலுங்கிலும் முன்னணி நடிகை ஆனார்.

அவர் கடும் உழைப்பாளி, காலையில் தமிழ் படம், மாலையில் தெலுங்கு படம் என்று ஓடிக்கொண்டே இருப்பார். அவரை இந்த அளவுக்கு வெற்றி பெற வைத்ததில் அவர் அம்மா சரசம்மாவுக்கும் பங்கு உண்டு. அவர் அக்கா அம்பிகா சிறந்த நடிகை என்றாலும், பாடல் காட்சிகளில் அக்காவை ராதா மிஞ்சினார் என்றே சொல்லலாம்.”என்கிறார்

இயக்குனர் பாரதிராஜா படங்களில் பணியாற்றியவரும், ராதா மகள் கார்த்திகா நடித்த அன்னக்கொடி படத்தின் ஒளிப்பதிவாளருமான சாலை சகாதேவன், ”தன்னை அறிமுகப்படுத்திய பாரதிராஜா மீது இன்றும் ராதாவுக்கு அவ்வளவு பாசம், மரியாதை. அன்னக்கொடி படத்தில் பாரதிராஜா இயக்கத்தில் அவர் மகள் கார்த்திகா நடித்தபோது அவ்வளவு சந்தோஷப்பட்டார். அலைகள் ஓய்வதில்லை படத்தில் அவரை அறிமுகப்படுத்திய பாரதிராஜா, முதல்மரியாதையில் சிறந்த நடிப்பை வெளிப்படுத்தவும் காரணமாக இருந்தார். அதை பல இடங்களில் சொல்லி மகிழ்ந்து இருக்கிறார் ராதா” என்றார்

தனது பிறந்தநாள் குறித்து பிபிசி தமிழிடம் நடிகை ராதா பேசுகையில் ”நான் உதயசந்திரிகாவாக பிறந்தேன். ராதாவாக மாறியது இரண்டாவது பிறப்பது. அப்படி மாற்றியது சினிமா, அதனால்தான் இவ்வளவு புகழ், பெருமை, சந்தோஷம் எல்லாமே. அதற்கு காரணமான இயக்குனர் பாரதிராஜா, அடுத்தடுத்து எனக்கு பட வாய்ப்புகளை, நல்ல கேரக்டர்களை கொடுத்த சினிமா கலைஞர்கள் அனைவரையும் நான் எப்போதும் நன்றியுடன் நினைத்து பார்க்கிறேன். பலருக்கும் கிடைக்காத பாக்கியம், அதிர்ஷ்டம் நான் 1980களில் நடித்தது. சிவாஜிசார் தொடங்கி, என்.டி.ராமாராவ், சிரஞ்சீவி, கிருஷ்ணா, ஷோபன்பாபு, சத்யராஜ், கமல், ரஜினி, கார்த்திக், மோகன் என பலருடன் இணைந்து நடித்தேன். அவர்களின் ரசிகர்களும் என்னை விரும்பினார்கள்” என்றார்.

தமிழில் ராதா நடித்த படங்களில் ரசிகர்களால் அதிகம் விரும்பப்பட்ட படங்கள் எவை?

பாரதிராஜா இயக்கிய இந்த படத்தில் ஏழை படகோட்டி பெண்ணாக குயில் என்ற கேரக்டரில் நடித்திருப்பார் ராதா. அந்த ஊர் தலைவரான, தன்னை விட வயதில் முதிர்ந்த சிவாஜியின் மீது உண்மையான காதல் கொண்டிருப்பார். அவருக்காக, அவர் குடும்பத்துக்காக தியாகம் செய்வார். தமிழ் சினிமாவில் மிக முக்கியமான படமாக இன்றும் கொண்டாடப்படுகிறது முதல்மரியாதை.

பாரதிராஜா இயக்கிய இந்த படத்தில் மேரி என்ற கிறிஸ்துவ பெண் கேரக்டரில் அறிமுகம் ஆனார். காதலுக்கு மதம் இல்லை என்று உணர்ந்தும் கதை. முதல் படம் என்றாலும் அழுத்தமான நடிப்பை ராதா தந்திருந்தார். பாடல்களும் ஹிட்.

தமிழ் சினிமாவின் சிறந்த கமர்ஷியல் படங்களில் ஒன்றாக பார்க்கப்படுகிறது. விஜயகாந்த் ஜோடியாக வரும் ராதாவின் சுட்டிதனம், திருமணம் ஆனவுடன் மாறுகிற அவரின் நடிப்பும் டாப். இளையராஜாவின் இசையும், ஆர்.சுந்தரராஜின் இயக்கமும் படத்தையும், ராதா கேரக்டரையும் சூப்பர் ஹிட்டாக்கின.

பாரதிராஜா இயக்கத்தில் புதுமுகம் கண்ணன் ஜோடியாக ராதா நடித்த படம். காதலும், இசையும், பரதநாட்டியும் படத்தின் பிரதானமான விஷயங்கள். இளையராஜாவின் இசையும், பாடல்களும் இன்றும் ராதாவை கொண்டாட வைக்கின்றன.

ஆர். சுந்தர்ராஜனின் இயக்கத்தில் மோகன், அமலா நடித்த இந்த படத்தில் ராதாவுக்கு அழுத்தமான கேரக்டர். அவர் நடிப்பிலும் மிரட்டியிருப்பார். குறிப்பாக, குழலூதும் கண்ணனுக்கு பாடல் இன்றும் கச்சேரிகளில் பாடப்படுகிறது.

மணிரத்னம் இயக்கத்தில் இந்த படத்தில் ராதா, குடிப்பழக்கத்துக்கு ஆளான மோகனை மீட்கும் கேரக்டரில் வருவார். இந்த படத்தில் மோகன் காதலியாக கௌரவ வேடத்தில் நடித்தவர் அவர் அக்கா அம்பிகா.

கமல்ஹாசன் ஜோடியாக ராதா நடித்தபடம். இதில் அவர் அக்கா அம்பிகாவும் ஒரு ஹீரோயின். அக்காவுடன் போட்டிபோட்டு நடித்து, டான்ஸ் ஆடிய படம். காதல் மகராணி, ஹே உன்னை தானே பாடலில் ரசிகர்களை கவர்ந்து இருப்பார்.

எஸ்.பி.முத்துராமன் இயக்கத்தில் கமல்ஹாசன் உடன் ராதா நடித்த படம். பேய்க்கதை, காமெடி இருந்தாலும் கமல்ஹாசன் – ராதா காதல் காட்சிகள் இதமாக இருக்கும்.

எஸ்.பி.முத்துராமன் இயக்கத்தில் கமல்ஹாசன் நடித்த வெற்றி படம். இதில் துணிச்சலான பத்மினி என்ற கேரக்டரில் ராதா வருவார். அவர் கேரக்டரில் கதையில் திருப்பு முனையை ஏற்படுத்தும்

ஆர்.சுந்தர்ராஜன் இயக்கிய இந்த படத்தில் ரஜினிக்கு ஜோடியாக கிராமத்து பெண்ணாக வருவார். தமிழில் பல படங்களில் ராதா கிராமத்து பெண்ணாக, ஹோம்லியாக நடித்தார். தெலுங்கில் நேர் எதிர். பல படங்களில் கிளாமராக நடித்தார்.

– இது, பிபிசிக்காக கலெக்டிவ் நியூஸ்ரூம் வெளியீடு