பெண்களில் சிலருக்கு ஒரு பக்க மார்பகம் பெரிதாகவும், மறுபக்க மார்பகம் சிறிதாகவும், வடிவில் சற்று வித்தியாசமாகவும் இருக்கலாம். இது பிரச்னையா அல்லது இயல்பான ஒன்றா என்ற சந்தேகம் அவர்களுக்கு இருக்கலாம்.
பெண்களுக்கு மட்டுமல்ல, பொதுவாக மனிதர்களுடைய உடலின் இரு பக்கங்களும் ஒன்றுபோல இருக்காது. பார்ப்பதற்குப் பெரிய அளவில் வித்தியாசம் தெரியாது என்றாலும், பலருடைய உடலிலும் இந்த வித்தியாசம் இருக்கும்.
மனித உடலின் வெளிப்புற உறுப்புகள் மட்டுமல்ல, உடலின் உள்ளுறுப்புகளும் ஒரு பக்கத்தில் இருப்பதுபோல மறுபக்கத்தில் இருக்காது. இயற்கை, மனித உடலமைப்பை இப்படித்தான் படைத்திருக்கிறது.
திருமணமான பெண்களில் பெரும்பாலானோருக்கு இடது மார்பகம் வலது பக்கத்தைவிடச் சற்று பெரிதாக இருக்கும். இதற்குக் காரணம் பெரும்பாலான ஆண்கள் வலது கை பழக்கம் உள்ளவர்கள் என்பதுதான்.
இந்தக் காரணமில்லாமலும் வித்தியாசம் இருக்கிறது என்றாலும் இயல்பானதுதான். ஒருவேளை சாதாரணமாகப் பார்த்தாலே வித்தியாசம் நன்கு தெரிகிறது என்றாலும், பெரும்பாலும் அதனால் எந்தப் பிரச்னையும் இருக்காது.
வெளியே தெரியும் அளவுக்கு வித்தியாசம் தெரியும் நிலையில் இருக்கிற பெண்களும், உடல் வடிவத்துக்கு முக்கியத்துவம் தருகிற மாடலிங், ஆக்டிங் போன்ற வேலைகள் செய்கிற பெண்களும் சிறிய அறுவைசிகிச்சையின் மூலம் இதைச் சரிசெய்து கொள்ளலாம்.
மற்ற பெண்களுக்கு அறுவை சிகிச்சையெல்லாம் அவசியமில்லை. பெண்கள் இதுகுறித்து கவலைப்பட வேண்டியதில்லை.
இதில் ஏதேனும் பிரச்னையாக இருக்குமோ என்று பயப்படும் பெண்கள், தகுந்த மருத்துவரை அணுகுவது நல்லது.
