`பச்சிளம் குழந்தை வளர்ப்பு’ பெற்றோருக்கு சவால் நிறைந்தது மட்டுமல்ல, பல்வேறு கேள்விகளும் நிறைந்தது. பெற்றோரின் கேள்விகள் கொண்டு `பச்சிளம் குழந்தைகளுக்கு ஏற்படும் பாதிப்புகள்’ ஒவ்வொன்றையும் வாரம் ஒன்றாக, மருத்துவ நுணுக்கங்களைக் கொண்டு, எளிதில் புரியும் வண்ணம், விரிவாக விளக்குவதே இந்த மருத்துவத் தொடரின் நோக்கம்.
கேள்வி: டாக்டர், எனது ப்ளட் க்ரூப் O-ve. என்னோட ப்ரெக்னென்ஸி பீரியட்ல, அல்ட்ராசவுண்ட் டெஸ்ட்டெல்லாம் நார்மலா இருந்தது. 28 வாரத்துல Anti-D போட்டாங்க. 40 வாரம் முடிஞ்சு நார்மல் டெலிவரி ஆச்சு. டெலிவரி ஆன ஒரு மணி நேரத்துல, குழந்தைக்கு, ஜாண்டிஸ் இருக்கு, ரத்தத்தை கம்ப்ளீட்டா மாத்தலன்னா, மூளை டேமேஜ் ஆகிடும்னு டாக்டர்ஸ் சொன்னாங்க. DVET பண்ணதும், ஜாண்டிஸ் நார்மலாயிடுச்சி. அம்மாவுக்கு நெகடிவ் ப்ளட் க்ரூப் இருந்தா, குழந்தைக்கு எப்படி ஜாண்டிஸ் வருது? அடுத்த ப்ரெக்னென்ஸில, இதைத் தடுக்க என்ன செய்யணும்? DVET பண்ணதால குழந்தைக்கு ஏதாவது பாதிப்பு ஏற்படுமா, டாக்டர்?
உங்கள் கேள்விக்கு பதிலளிக்கும் முன், ரத்த வகை எவ்வாறு நிர்ணயிக்கப்படுகிறது, நெகடிவ் ரத்த வகையுள்ள கர்ப்பிணிகளுக்கு Rh இணக்கமின்மை எவ்வாறு ஏற்படுகிறது, Rh இணக்கமின்மை ஏற்படாமல் எவ்வாறு தடுப்பது, Rh இணக்கமின்மை ஏற்பட்டால் தரும் சிகிச்சை முறைகளை பற்றி விரிவாகக் காண்போம்.
