சுனிதா வில்லியம்ஸ் பயண நேரக் குறிப்புகள்
சுனிதா வில்லியம்ஸ் மற்றும் குழுவினர் பூமிக்குத் திரும்புவது தொடர்பாக கால அட்டவனையை நாசா வெளியிட்டுள்ளது. இந்திய நேரப்படி அதன் நேரக் குறிப்புகள் இங்கே…
*மார்ச் 18, காலை 8:15 மணி: சுனிதா வில்லியம்ஸ் உள்ளிட்ட நால்வர் டிராகன் விண்கலத்திற்குள் சென்று, அவரவர் இருக்கையில் அமர்ந்தனர்.
*காலை 10:35 மணி: டிராகன் கலம் சர்வதேச விண்வெளி நிலையத்தை விட்டுப் பிரிந்தது (Undocking) பயணத்தைத் தொடங்கியது.
*மார்ச் 19, அதிகாலை 2:41 மணி: டிராகன் கலம் அதன் சுற்றுப்பாதையிலிருந்து வெளியில் வந்து பூமியின் வளிமண்டலத்திற்குள் நுழைந்தது.
*அதிகாலை 3:27 மணி: கலத்தின் வேகம் குறைந்து, பாரசூட்டுகள் விரிக்கப்பட்டு பாதுகாப்பாக 17 மணி நேர பயணத்திற்குப் பிறகு அமெரிக்காவின் புளோரிடா மாகாணத்தின் பெருங்கடல் கடற்பரப்பில் டால்பின்கள் வரவேற்க பூமியில் இறங்கியது.
விண்வெளியில் 9 மாதங்கள் பணியாற்றிவிட்டு, பூமிக்குத் திரும்பியிருக்கும் இவர்கள் உடலில் சில மாற்றங்களும், பூமியின் சூழ்நிலை, கால மாற்றங்களை பழகுவதற்கு தாமதமாகும் என்பதால் 45 நாள்கள் மருத்துவ கவனிப்பில் இருப்பார்கள்.
