ஆப்கானிஸ்தான் வீரரான ரஷீத் கான் முன்னணி ஆல்ரவுண்டர்களுள் ஒருவராகத் திகழ்ந்து வருகிறார். ஐபிஎல்லில் குஜராத் அணிக்காக விளையாடி வரும் ரஷீத் கானுக்கு ஏராளமான ரசிகர்களும் இருக்கின்றனர். இந்நிலையில் இவரது திருமணம் காபூலில் மிகவும் கோலாகலமாக நடைபெற்று முடிந்திருக்கிறது. ரஷித் கானுக்கு மட்டுமல்லாது, அவரது சகோதரர்களான ஆமிர் கலில், சகியுல்லா, ரசா கான் ஆகியோருக்கும் ஒரே நாளில் திருமணம் நடைபெற்றிருக்கிறது.
நால்வரும் ஒரே மாதிரியான ஆடைகளை அணிந்திருக்கும் புகைப்படங்கள் மற்றும் வீடியோ காட்சிகள் சமூக வலைதளங்களில் வெளியாகி வைரலாகி வருகின்றன. ஆப்கானிஸ்தா கிரிக்கெட் அணியின் சக வீரர்கள், அரசியல் பிரபலங்கள் உள்ளிட்டோர் திருமண விழாவில் கலந்து கொண்டு, ரஷீத் கானுக்கு வாழ்த்துகளைத் தெரிவித்திருகின்றனர்.
