தோகா: கத்தார் உலகக் கோப்பை கால்பந்து தொடரில் சுவிட்சர்லாந்து அணியை 6-1 என்ற கோல் கணக்கில் வீழ்த்தி கடைசி அணியாக கால் இறுதிக்குள் நுழைந்தது போர்ச்சுகல். கோன்காலோ ரமோஸ் ஹாட்ரிக் கோல் அடித்து அசத்தினார்.
கத்தார் உலகக் கோப்பை கால்பந்து தொடரில் நேற்று நள்ளிரவு தோகாவின் லுசைல் மைதானத்தில் நடைபெற்ற கால் இறுதிக்கு முந்தைய சுற்றின் கடைசி ஆட்டத்தில் போர்ச்சுகல் – சுவிட்சர்லாந்து அணிகள் மோதின. போர்ச்சுகல் அணியில் நட்சத்திர வீரரான கிறிஸ்டியானோ ரொனால்டோ களமிறக்கப்படவில்லை. அவருக்கு பதிலாக கோன்காலோ ரமோஸுக்கு வாய்ப்பு கொடுக்கப்பட்டது.
