டிரம்ப் – ஸெலன்ஸ்கி சந்திப்பு: பத்தே நிமிடங்களில் என்ன நடந்தது? முழு விவரம்

யுக்ரேன் ராணுவத்தில் உள்ள பிரச்னைகள் குறித்து ஸெலன்ஸ்கியிடம் வான்ஸ் கூறியபோது, ”போர்க் காலத்தில் அனைவருக்கும் பிரச்னை இருக்கும். உங்களுக்கும் கூட. ஆனால் உங்களிடம் பெருங்கடல் உள்ளதால் நீங்கள் அதை தற்போது உணரவில்லை. ஆனால் வருங்காலத்தில் நீங்களும் அதை உணர்வீர்கள்,” என்று தெரிவித்தார் ஸெலன்ஸ்கி.

அது நேரம் வரை ஸெலன்ஸ்கியும் ஜே.டி.வான்ஸுமே பேசிக் கொண்டிருந்த நிலையில் ஸெலன்ஸ்கியின் இந்த பேச்சு டிரம்பை அதிருப்தி அடையச்செய்தது. அந்த வார்த்தைப் போரில் தன்னையும் இணைத்துக் கொண்டார் டிரம்ப்.

யுக்ரேன் – ரஷ்யாவுக்கு இடையேயான போரில் தாக்குதலை ஆரம்பித்த நாட்டை கையாள்வதில் உள்ள தார்மீக ஆபத்தை டிரம்ப் புரிந்து கொள்ளத் தவறிவிட்டார் என்று ஸெலன்ஸ்கி கூறினார்.

ரஷ்யாவை கையாளுவதில் டிரம்ப் செய்த அடிப்படை தவறு என்று விமர்சகர்கள் சுட்டிக்காட்டியதை ஸெலன்ஸ்கியின் இந்த பேச்சும் சுட்டிக்காட்டியது.

அமெரிக்கா ரஷ்யாவைவை தனிமைப்படுத்துதலை முடித்து வைப்பதன் மூலமாகவும், விரைவான போர்நிறுத்தத்தை நாடுவதன் மூலமாகவும் டிரம்ப், புதினை தைரியப்படுத்தும், ஐரோப்பாவை வலுவிழக்க செய்யும், யுக்ரேனை ஒன்றுமில்லாமல் ஆக்கும் ஆபத்தான நடவடிக்கைகளை மேற்கொள்கிறார் என விமர்சிக்கின்றனர் அரசியல் விமர்சகர்கள்.

இந்த போர் இரு தரப்புக்கும் இடையிலான் சண்டை. இந்த சண்டைக்கான சுமை அல்லது பழிசொல்லை இரு தரப்பும் பகிர்ந்துக்கொள்ள வேண்டும் என டிரம்ப் இந்த போரை வகைப்படுத்த முயல்கிறார்

ஆனால் இப்படி சிந்திப்பதில் உள்ள விபரீதங்கள் குறித்து எச்சரிக்கிறார் ஸெலன்ஸ்கி. ஓவல் அலுவலகத்தில் அமர்ந்து டிரம்பை பார்த்து ஸெலன்ஸ்கி, “ரஷ்யாவை நீங்கள் திருப்திப்படுத்துங்கள். பிறகு போர் ஒன்று உங்களை நோக்கிவரும்,” என்று கூறினார்.

இந்த கருத்து டிரம்பை மிகவும் கோபப்படுத்தியது. “நாங்கள் எப்படி உணர வேண்டும் என்று கூறும் இடத்தில் நீங்கள் இல்லை,” என்று கூறும் போது டிரம்ப் மிகவும் சத்தமாக பேசினார்.

“உங்களுக்கு வெற்றிக்கான வாய்ப்புகள் ஏதும் இல்லை. நீங்கள் பல லட்சக்கணக்கான மக்களின் வாழ்க்கையோடு விளையாடுகிறீர்கள்,” என்று கூறினார் டிரம்ப்.

டிரம்புக்கு எதிராக ஸெலன்ஸ்கி பேச வேண்டும் என்று நினைத்த பலருக்கும் இந்த பேச்சுவார்த்தை மகிழ்ச்சியை அளித்திருக்கக் கூடும். ஆனால் இந்த ஒரு நிகழ்வு ஐரோப்பாவின் போர் மற்றும் அமைதியின் காலத்தை தீர்மானிக்கும் ஒன்றாகவும் இருக்கக் கூடும்.