விடாமுயற்சி நவீன ராமாயணமா? – இயக்குநர் மகிழ் திருமேணி பிபிசிக்கு பேட்டி

அதிர்ஷ்டவசமாக, எங்கள் படப்பிடிப்பின் தாமதம், அவர் நடித்துக் கொண்டிருந்த சில படங்களின் தயாரிப்பு சூழல் ஆகியவற்றால், அவரால் விடாமுயற்சியில் நடிக்க முடிந்தது.

ரெஜினா ஏற்கெனவே என் கலகத் தலைவனில் நடிக்க வேண்டியது. மிகத் திறமையான நடிகை. ஆனால், அவர் எட்ட வேண்டிய வெற்றியை எட்டவில்லை என்று நினைத்தேன். அவரது நம்பிக்கை எனக்கு மிகவும் பிடித்திருந்தது. இந்தப் படத்தில் அவரது கதாபாத்திரத்தைப் பற்றி பேசும்போது முதலில் நாங்கள் வேறு நடிகைகளைத் தான் யோசித்தோம்.

அதில் சில மிகப் பிரபலமான பெயர்களும் உள்ளன. ஆனால் தமிழ் பேசுவது, நடிப்புத் திறன் ஆகியவற்றை வைத்துப் பார்க்கும்போது அவர்களை விட ரெஜினாதான் பொருத்தமாக இருந்தார். நான் ரெஜினாவின் பெயரை உத்தேசித்தேன். தயாரிப்பு தரப்பும், அவர் தான் சரியாக இருப்பார் என்று அஜித்தும் கூறினார்கள்.

ஆரவ், நாயகனாக நடித்துக் கொண்டிருந்த சமயத்தில் நான் கலகத் தலைவன் படத்தில் ஒரு எதிர்மறை கதாபாத்திரத்தில் நடிக்க வைத்தேன். அது எனக்கு உறுத்தலாக இருந்தது. அதைவிட ஒப்பீட்டளவில் சிறிய கதாபாத்திரம் இது. அதனால் முதலில் இதில் அவரை நடிக்க வைக்க வேண்டுமா என்று நினைத்தேன். நிறைய பெயர்களை பரிசீலித்தாலும் யாருமே சரியாக இல்லை. எப்படிப் பார்த்தாலும் ஆரவ் தான் சரியாக இருப்பார் என்று தோன்றியது.

மற்ற கதாபாத்திரங்களைப் பொருத்தவரை, ஆரம்பத்தில் இருந்த கதை வடிவம், அரபு நாட்டுப் பகுதிகளில் நடப்பதைப் போல அமைந்திருந்ததால், அதற்குரிய பெயர்களையே கதாபாத்திரங்களுக்குத் தேடித் தேடி வைத்தேன். பல மொழிகளைச் சேர்ந்த தென்னிந்தியர்கள் அதில் இருப்பார்கள். பல பிரபலமான நடிகர்களிடமும் இதுகுறித்துப் பேசி வைத்திருந்தோம். ஆனால் பின்னர் கதையின் சூழல் அஸர்பைஜான் என்று மாறியது. உண்மையில் அங்கு இந்தியர்களின் எண்ணிக்கை குறைவு. எனவே, அந்தப் பெயர்கள் இங்கு பொருத்தமாக இல்லை. போலியாகத் தெரிந்தது. எனவே, அந்த நாட்டின் நடிகர்களையே நடிக்க வைத்துவிட்டோம். அது தற்போது நன்றாகவும் அமைந்துள்ளது.

அவர் படப்பிடிப்பில் மேம்படுத்துவார். அவர் மிகவும் தாராள மனம் கொண்ட நடிகர். எனவே, அந்தக் காட்சியில் மற்ற நடிகர்களுக்கான முக்கியத்துவத்தை அதிகப்படுத்த யோசனைகள் சொல்வார். மிக இயல்பாக அது நடக்கும்.

அந்த அழுத்தம் என்னிடமிருந்தே வந்தது. ரசிகர்களுக்காக இதைச் செய்யலாமே என்று படப்பிடிப்பில் அஜித்திடம் சென்று பேசுவேன். ஆனால், அது எதுவுமே வேண்டாம் என்பதில் அவர் மிகத் தெளிவாக இருந்தார். நாம் தெளிவான ஒரு படத்தை எடுப்போம் என்பார். அதற்கான சுதந்திரத்தையும் எனக்குத் தந்தார். எனவே, அப்படி ஒரு அழுத்தத்துக்குத் தேவையில்லாமல் போனது.

அது அனிருத்தின் யோசனை தான். அவர் ஒரு அதிசயம் என்றே நான் கூறுவேன். அவரை நாம் சரியாக மதிப்பிட்டிருக்கிறோமா என்று எனக்குத் தெரியவில்லை. அவரது மெட்டுகள் எப்படிச் செல்லும் என்றே நம்மால் யூகிக்க முடியாது. அவர் பாடல்கள் எப்போதுமே என்னை ஆச்சரியப்படுத்தியிருக்கின்றன. விடாமுயற்சியின் பாடல்கள் ஹிட் ஆகிவிட்டன. பின்னணி இசையில் இந்தப் படத்தை சர்வதேச தரத்துக்கு உயர்த்தியிருக்கிறார் அனிருத்.

அது இருக்கதானே செய்யும். ஆனால் பழையதை நினைத்து, அது நடந்திருந்தால் என்ன ஆகியிருக்கும் என்று யோசிப்பதில் பலனில்லை. விஜய் போன்ற மிகப்பெரிய நடிகருடன் இணைந்து பணியாற்ற முடியாமல் போனது கண்டிப்பாக வருத்தம் தான். அதை மறுக்க முடியாது.