முத்தரப்பு டி 20 கிரிக்கெட் தொடரில் பாகிஸ்தான் அணியை 18 ரன்கள் வித்தியாசத்தில் வீழ்த்தியது ஆப்கானிஸ்தான் அணி.
ஐக்கிய அரபு அமீரகத்தில் நடைபெற்று வரும் முத்தரப்பு டி 20 கிரிக்கெட் தொடரில் நேற்று முன்தினம் நடைபெற்ற லீக் ஆட்டத்தில் பாகிஸ்தான் – ஆப்கானிஸ்தான் அணிகள் மோதின. முதலில் பேட் செய்த ஆப்கானிஸ்தான் 20 ஓவர்களில் 5 விக்கெட்கள் இழப்புக்கு 169 ரன்கள் எடுத்தது. செதிகுல்லா அடல் 45 பந்துகளில், 3 பவுண்டரிகள், 3 சிக்ஸர்களுடன் 64 ரன்களும், இப்ராகிம் ஸத்ரன் 45 பந்துகளில், ஒரு சிக்ஸர், 8 பவுண்டரிகளுடன் 65 ரன்களும் சேர்த்தனர்.
பாகிஸ்தான் அணி சார்பில் பஹீம் அஸ்ரப் 4 விக்கெட்கள் வீழ்த்தினார். 170 ரன்கள் இலக்குடன் பேட் செய்த பாகிஸ்
தான் அணியால் 20 ஓவர்களில் 9 விக்கெட்கள் இழப்புக்கு 151 ரன்கள் மட்டுமே எடுக்க முடிந்தது. அதிகபட்சமாக ஹாரிஸ் ரவூப் 34, பஹர் ஸமான் 25, கேப்டன் சல்மான் ஆகா 20 ரன்கள் சேர்த்தனர். ஆட்ட நாயகனாக இப்ராகிம் ஸத்ரன் தேர்வானார்.
