மத்திய பட்ஜெட் 2025: தொடர்ந்து 8வது முறையாக இன்று தாக்கல் செய்கிறார் நிர்மலா சீதாராமன்

அதில், 2025-26 நிதியாண்டில் இந்தியாவின் பொருளாதார வளர்ச்சி 6.3-6.8% என்ற விகிதத்தில் இருக்கும் எனக் கணிக்கப்பட்டுள்ளது.

மேலும், நீண்ட கால தொழில் வளர்ச்சியை வலுப்படுத்த அரசு திட்டமிட்டுள்ளதாகவும் இந்தியாவின் பொருளாதார அடிப்படைகள் அனைத்தும் வலுவாக இருப்பதாகவும் அதில் தெரிவிக்கப்பட்டுள்ளது. மேலும், இந்தியாவின் அந்நிய செலாவணி கையிருப்பு தொடர்ந்து வலுவாக இருப்பதாகவும் பொருளாதார ஆய்வறிக்கை கூறுகிறது.

பொருளாதார மந்தநிலையில் இருந்து நாட்டின் பொருளாதாரத்தை மீட்க அரசு என்ன நடவடிக்கைகளை அறிவிக்கப் போகிறது என்பதில்தான் தற்போது அனைவரின் கவனமும் உள்ளது.

நிதிப் பற்றாக்குறையைக் குறைத்தல், பண வீக்கத்தைக் கட்டுப்படுத்துதல், வேலைவாய்ப்பை உருவாக்குதல் போன்ற சவால்களை அரசாங்கம் எதிர்கொண்டுள்ளது.

இந்த பட்ஜெட்டில், பொதுமக்கள், தொழில் துறையினர் எனப் பல்வேறு தரப்புகள் மத்தியிலும் பல்வேறு எதிர்பார்ப்புகள் எழுந்துள்ளன. குறிப்பாக, வருமான வரியில் அதிக விலக்கு வேண்டும் என்ற கோரிக்கை நடுத்தர மக்கள் மத்தியில் பல ஆண்டுகளாகவே இருந்து வருகிறது.

அதேபோன்று, எரிசக்தி விலை உயர்வு, காய்கறிகள் மற்றும் உணவுப் பொருட்களின் விலை உயர்வு ஆகியவையும் மக்கள் மத்தியில் அதிகம் பேசப்படும் பிரச்னைகளாக உள்ளன.

– இது, பிபிசிக்காக கலெக்டிவ் நியூஸ்ரூம் வெளியீடு