கடந்த சில சீசன்களாக பேட்டிங்கில் அணிக்கு அவரால் குறிப்பிடத்தக்க பங்களிப்பு செய்ய முடியவில்லை என்றாலும், எந்த மைதானத்துக்குச் சென்றாலும் அவர் பேட்டிங் ஆடும் ஓரிரு பந்துகளுக்காகவே ரசிகர்கள் படையெடுக்கின்றனர்.
அந்த வரவேற்பைக் கண்டு களத்தில் எதிரணி வெளிநாட்டு வீரர்களே வியந்தார்கள் என்பதில் மிகையேதுமில்லை.
இந்த நிலையில், சி.எஸ்.கே அணி கடைசியாக 2023 சீசனில் கோப்பை வென்றதற்கு முக்கிய காரணமானவர்களில் ஒருவரான டெவான் கான்வே, தோனி குறித்து பேசியிருக்கிறார்.
சென்னை சூப்பர் கிங்ஸ் அணியின் பாட்காஸ்ட் நிகழ்ச்சியில் பேசிய டெவான் கான்வே, “தோனி பேட்டிங் செய்ய களமிறங்கும்போது அந்தச் சூழலே பிரமிப்பாக இருக்கும்.
தோனி விளையாடுவதை எதிர்முனையில் இருந்து பார்த்து ரசிக்கும் வாய்ப்பு கிடைக்க வேண்டும் என்பதே ஒவ்வொரு வீரரின் கனவாக இருக்கும்” என்று கூறினார்.
