தமிழ் சினிமாவில் ‘வயலின்’ இசையால் நம்மை வருடிய சிறந்த 10 பாடல்கள் எவை?

1980ஆம் ஆண்டில் பாரதிராஜா இயக்கத்தில் இளையராஜாவின் இசையில் வெளியான ‘நிழல்கள்’ திரைப்படத்தில் இடம்பெற்ற பாடல் இது. தயாரிப்பாளர்களுக்கு மெட்டுப்போட்டுக் காண்பிக்கும் ஹரி (சந்திரசேகர்), “தலலலலா.. தால லலா.. தலலலலா.. தால லலா” என்று வாசித்து முடித்ததும் பல வயலின்கள் ஒரே நேரத்தில் ஒலிக்கும். சந்திரசேகரின் உள்ளப் பெருக்கைக் காண்பிக்கும்வகையில் இந்த இசை பயன்படுத்தப்பட்டிருக்கும். பாடல் நெடுகவே வயலின்கள் உற்சாகத்தை அள்ளித் தெளிக்கும் அற்புதமான பாடல் இது. இதே படத்தில் இடம்பெற்ற “பூங்கதவே தாள் திறவாய்” பாடலிலும் வயலின் அற்புதமாகப் பயன்படுத்தப்பட்டிருக்கும்

1982ல் சிவகுமார், சரிதா நடித்து கே. பாலச்சந்தர் இயக்கத்தில் வெளியான ‘அக்னி சாட்சி’ திரைப்படத்தில் இடம்பெற்ற பாடல் இது. இந்தப் படத்திற்கு இசையமைத்தவர் எம்.எஸ். விஸ்வநாதன். பாடலை எழுதியவர் வாலி. இந்தப் பாடல் முழுவதுமே வயலினைப் பெரிய அளவில் பயன்படுத்தியிருப்பார் எம்.எஸ். விஸ்வநாதன்.

“கனா காணும் கண்கள் மெல்ல” என்ற வரியை நாயகன் பாடி முடித்ததும் வயலின் மெல்ல இழையும். பிறகு ஓய்ந்து, “உறங்காதோ பாடல் சொல்ல” என்ற வரி முடிந்ததும் மீண்டும் இழையும். அதேபோல, பல்லவி முடிந்ததும் மீண்டும் ஒலிக்கும் வயலின் பரபரப்பும் மர்மமும் மிகுந்த உணர்வைத் தரும். இப்படி ஒவ்வொரு வரியின் முடிவிலும் இழையும் வயலின், ஒரு மிகச் சிறந்த இசை அனுபவத்தை வழங்கும்.

1983ல் கே. ரங்கராஜ் இயக்கத்தில் வெளியான ‘நெஞ்சமெல்லாம் நீயே’ படத்தில் இடம்பெற்ற பாடல் இது. சங்கர் – கணேஷ் இசையமைக்க, இந்தப் பாடலை வைரமுத்து எழுதியிருந்தார். வாணி ஜெயராம் என்றவுடன் பலருக்கும் நினைவில் வரும் முதல் பாடல் இது என்றாலும் வயலின் பயன்படுத்தப்பட்ட விதத்திற்காகவும் ரசிக்கப்பட்ட பாடலும்கூட.

பாடலின் துவக்கத்தில் மோகனும் ராதாவும் மகிழச்சியில் குதிக்கும் காட்சிகள் இடம்பெற்றிருக்கும். அப்போது பின்னணியில் இசைக்கும் வயலின் அந்த மகிழ்ச்சியை பார்ப்பவர்களிடமும் கடத்தும்.

1984ல் வெளிவந்த ‘வாழ்க்கை’ திரைப்படத்தில் இடம்பெற்ற பாடல். இசை, இளையராஜா. வயலின் ஆதிக்கம் செலுத்தும் பாடல் என்றதும் நினைவுக்கு வரும் பாடல் இது. பாடலை, பி. சுசீலாவும் ராஜ் சீதாராமனும் பாடியிருப்பார்கள். பாடலின் துவக்கத்திலும் இறுதியிலும் வயலின்கள் அட்டகாசமாக ஒலிக்கும். வித்தியாசமான இசையோடு வெளியான இந்தப் பாடல், தமிழ் திரை இசையில் ஒரு அரிதான பாடல்.

1986ஆம் ஆண்டில் வெளிவந்த ‘புன்னகை மன்னன்’ திரைப்படத்தில் இடம்பெற்ற பாடல் இது. இசையமைத்தவர் இளையராஜா. வயலின் அதிகம் ஒலிக்கும் பாடல் என்றால் ஒருவருக்கு உடனடியாக நினைவுக்கு வரும் பாடல்களில் இதுவும் ஒன்று. இந்தப் பாடலில் முழுக்க முழுக்க வயலினே ஆதிக்கம் செலுத்தும். பாடலின் துவக்கத்திலும் சரணங்களுக்கு இடையிலும் ஒலிக்கும் வயலின்கள், இந்தப் பாடலை வேறொரு உயரத்திற்கு எடுத்துச் செல்லும்.

1991ல் வெளியான இளையராஜா இசையில் ‘தளபதி’ திரைப்படத்தில் இடம்பெற்ற பாடல். பாடலை வாலி எழுத, எஸ்.பி. பாலசுப்ரமணியனும் சுவர்ணலதாவும் பாடியிருந்தார்கள். ஒட்டுமொத்தமாக பார்த்தால், உலக அளவில் மிகப் பிரபலமான திரையிசைப் பாடல்களில் இதுவும் ஒன்று. ஆனால், வயலின் இசையை அதிகம் பயன்படுத்தியதற்காக கவனிக்கப்பட வேண்டிய பாடலும்கூட. பாடலின் துவக்கத்தில் இருந்து முடிவுவரை முழுக்க முழுக்க வயலினை மிக அற்புதமாக இளையராஜா பயன்படுத்தியிருப்பார்.

– இது, பிபிசிக்காக கலெக்டிவ் நியூஸ்ரூம் வெளியீடு