கர்நாடக சட்டமன்றத் தேர்தலில் பாஜக கூட்டணியில் 2 அல்லது 3 தொகுதிகளில் போட்டியிட அதிமுக விருப்பம்..!!

பெங்களூரு: கர்நாடக சட்டமன்றத் தேர்தலில் பாஜக கூட்டணியில் 2 அல்லது 3 தொகுதிகளில் போட்டியிட அதிமுக விருப்பம் தெரிவித்திருக்கிறது. மொத்தமுள்ள 224 தொகுதிகளில் 10 தொகுதிகளில் தமிழர்கள் அதிகமாக வசிக்கின்றனர்; ஒட்டுமொத்த வாக்குவங்கியில் 5 சதவீதம் தமிழர்கள் உள்ளனர். தமிழர்கள் அதிகமுள்ள 10 தொகுதிகளில் 2 அல்லது 3ல் போட்டியிட அதிமுக தலைமை விரும்புவதாக கூறப்படுகிறது. பெங்களூரு, கோலார் ஆகிய பகுதிகளில் உள்ள தொகுதிகளை பாஜகவிடம் கேட்டுப்பெற அதிமுக திட்டமிட்டுள்ளது. கர்நாடக சட்டமன்றத் தேர்தலில் ஏற்கனவே சில முறை அதிமுக வென்ற வரலாறு உள்ளது.