ஆனால் இந்த எண்கள், விமர்சனங்கள் என எதுவும் தன்னை ஒரு போதும் பாதிக்காது என நேற்றை ஆட்டத்திற்கு முன்பாகவே கூறிவிட்டார் கோலி. தன் தற்போதைய ஃபார்ம், கிரிக்கெட்டில் இருந்து சின்ன இடைவெளி குறித்த தன் பார்வை என பலவற்றை குறித்தும் அவர் பேசியும் நிலையில் அதில் இருந்து சிறிய பகுதி இதோ,
இதற்குமுன் இப்படியான ஒரு சரிவை கோலி கடைசியாக சந்தித்தது 2014-ம் ஆண்டில் தான். ஆனால் அதோடு தன் தற்போதைய ஃபார்மை ஒப்பிடுவது தன்னால் ஏற்கமுடியாது என கூறுகிறார் கோலி. “ அந்த இங்கிலாந்து சுற்றுப்பயணத்தில் ஒரே குறிப்பிட்ட பேட்டடர்னில் தான் தொடர்ந்து ஆட்டமிழந்து வந்தேன். நான் சரியாக விளையாடவில்லை என்று அப்போது எனக்கே தெரிந்தது. அதனால் கடுமையாக உழைத்து அதில் இருந்து மீண்டு வர என்னால் முடிந்தது. ஆனால் அது மாதிரியான எந்த ஒரு பேட்டர்னும் தற்போது இல்லை. மேலும் குறிப்பிட்ட ஒன்றில் தான் நான் பலவீனமாக உள்ளேன் என்றும் கைகாட்ட முடியாது.
