கனடாவைச் சேர்ந்த டோனா ஜீன் என்ற 59 வயதான பெண், ஒரு மணி நேரத்தில் 1575 முறை புஷ்அப்ஸ் (Push-Ups) எடுத்து கின்னஸ் உலக சாதனை படைத்துள்ளார். உலகிலேயே ஒரு மணி நேரத்தில் அதிக முறை புஷ்அப்ஸ் எடுத்த பெண் என்ற கின்னஸ் சாதனை படைத்துள்ள இவருக்கு, இது இரண்டாவது கின்னஸ் சாதனை ஆகும். ஏற்கெனவே இவர் கடந்த மார்ச் மாதத்தில் தொடர்ந்து 4 மணி நேரம் 30 நிமிடங்கள் 11 நொடிகள் பிளாங்க் (Plank) செய்து கின்னஸ் உலக சாதனை படைத்துள்ளார்.
அவருடைய முதல் கின்னஸ் உலக சாதனை பயிற்சியின் போது ஒரு நாளைக்கு தினமும் 500 புஷ்அப்களை எடுத்து வந்துள்ளார். இது அவருடைய இரண்டாவது உலக சாதனைக்கு வழி வகுத்துள்ளது. அவருக்கு மிகவும் பிடித்த உடற்பயிற்சி புஷ்அப் தான் என்று தெரிவித்துள்ளார்.
