சுமார் 80 ஓவர்கள் தாக்குப்பிடித்த இந்தக் கூட்டணி, அணியின் ஸ்கோரை 700-ஐ கடக்க வைத்தது. சரியாக ஜோ ரூட் தனது இரட்டைச் சத்தத்தைக் கடந்து 262 ரன்களில் ஆடிக்கொண்டிருந்தபோது அகா சல்மான் பந்துவீச்சில் அவுட்டாக இந்தக் கூட்டணியின் அதிரடி முடிவுக்கு வந்தது. ஜோ ரூட் – ஹாரி ப்ரூக் கூட்டணி 4-வது விக்கெட்டுக்கு 454 ரன்கள் குவித்தது. இதுவே தற்போது, டெஸ்ட் கிரிக்கெட்டில் புதிய வரலாறாக அமைந்திருக்கிறது.
இந்த ஆட்டத்தில், ஜோ ரூட்டின் விக்கெட்டுக்குப் பிறகும் அதிரடி காட்டிய ஹாரி ப்ரூக், முச்சதம் கடந்து 317 ரங்களில் அவுட்டானார். இதன் மூலம், டெஸ்டில் முச்சதம் அடித்த 6-வது இங்கிலாந்து வீரர் என்ற சாதனைப் படைத்திருக்கிறார் ஹாரி ப்ரூக்.
டெஸ்ட் கிரிக்கெட்டில் ஒரு பார்ட்னர்ஷிப்பில் அதிக ரன்கள் அடித்த சாதனை இலங்கை முன்னாள் வீரர்கள் மஹேலா ஜெயவர்தனே, குமார் சங்ககரா கூட்டணி வசம் இருக்கிறது. 2006-ல் தென்னாப்பிரிக்காவுக்கு எதிராக கொழும்புவில் நடைபெற்ற டெஸ்டில், மஹேலா ஜெயவர்தனே, குமார் சங்ககரா கூட்டணி 624 குவித்திருந்தது என்பது குறிப்பிடத்தக்கது.
