ஆனால் இதில் சர்க்கரையின் அளவு அதிகமிருக்கும். ஜெலட்டின் மற்றும் சோள மாவு சேர்க்கப்பட்டுத் தயாரிக்கப்படுவதால் வாயில் ஒட்டும் உணர்வு ஏற்படலாம். கலர்ஃபுல்லாக இருக்க வேண்டும் என்பதற்காக செயற்கை நிறமிகள் சேர்க்கப்படுகின்றன. இவையெல்லாம் கம்மீஸில் உள்ள நெகட்டிவ் விஷயங்கள்.
சமூக ஊடகங்களில் பிரபலமாவதாலேயே இவற்றை மருத்துவர் பரிந்துரையின்றி நாமாக வாங்கிப் பயன்படுத்தக்கூடாது. உங்களுடைய தேவை என்ன, அதற்கான மருத்துவப் பரிந்துரை என்ன என்பதுதான் முக்கியம்.
உங்கள் வயது, உடல்நலம் போன்றவற்றைக் கருத்தில் கொண்டு, உங்களுக்கு கம்மீஸ் பரிந்துரைக்கலாம் என மருத்துவர் உறுதியாக நம்பினால் மட்டுமே அவற்றை எடுக்க வேண்டும்.
மற்றபடி எந்த கம்மீஸில் என்னென்ன பொருள்கள் சேர்க்கப்படுகின்றன என்பதே தெரியாமல் சமூக ஊடகத்தில் பரவும் தகவல்களை நம்பி சுய மருத்துவம் செய்வது சரியானதே அல்ல.
உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.
