ஒன்பது மாதம் என்பது குழந்தைக்கு அசைவ உணவுகளைப் பழக்குவதற்கு ஏற்ற பருவம்தான். ஆனால் அந்த உணவுகளை நீங்கள் எந்தப் பதத்தில் கொடுக்கிறீர்கள் என்பது மிகவும் முக்கியம். அதாவது மிகவும் மென்மையான பக்குவத்தில் குழந்தைக்கு அசைவ உணவுகளைக் கொடுக்க ஆரம்பிக்க வேண்டும்.
குழந்தைகளுக்கு அசைவ உணவுகள் கொடுத்தே ஆக வேண்டும் என்று எந்தக் கட்டாயமும் இல்லை. குழந்தை ஓர் உணவை சாப்பிட மறுத்தால் அந்த உணவின் ஃப்ளேவர், செய்முறை என எதையாவது மாற்றிக் கொடுத்துப் பார்க்கலாம்.
சிறு குழந்தைகள் புதிய உணவை சாப்பிடப் பழகுவதற்கு முன், குறைந்தது ஏழெட்டு முறையாவது அதைச் சாப்பிட மறுக்கலாம் என்கிறது ஓர் ஆய்வு. எனவே, குழந்தை ஓர் உணவை சாப்பிட மறுத்தால் அது குறித்து கவலைப்படத் தேவையில்லை. சில நாள்கள் சாப்பிடலாம், சில நாள்கள் சாப்பிட மறுக்கலாம்.
