ஏனெனில், பவர்ப்ளேயின் முடிவில் சன்ரைசர்ஸ் அணி 37 ரன்களை மட்டுமே எடுத்திருந்தது. அங்கேயே நூரையும் தொடர்ந்திருந்தால் சன்ரைசர்ஸ் மீது இன்னும் அழுத்தம் ஏறியிருக்கும்.

பதிரனாவுக்கு தொடர்ந்து 4 ஓவர்கள்!
அதேமாதிரி, பதிரனாவை 13 வது ஓவரில் அறிமுகப்படுத்தி ஒரே ஸ்பெல்லில் டெத் ஓவர் வரை 4 ஓவர்களை மூச்சிறைக்க வீச வைக்கிறார். இப்படி 4 ஓவர்களையும் ஒரு வேகப்பந்து வீச்சாளர் ஒரே ஸ்பெல்லில் வீசுவது அரிதாகத்தான் நடக்கும்.
பதிரனா மாதிரி வித்தியாசமான ஆக்சன் கொண்ட வீரர் தொடர்ந்து 4 ஓவர்களை வீசுவது அணிக்கும் நல்லது கிடையாது. அவருக்கும் நல்லது கிடையாது. பதிரனாவை எப்படி பயன்படுத்தினால் அவரிடம் சிறப்பான செயல்பாட்டை பெற முடியும் என இலங்கை கிரிக்கெட்டுக்கே இங்கிருந்து தோனி பாடமெடுத்தார். அப்படிப்பட்டவர் இப்போது அவர் விஷயத்தில் எதையோ முயற்சிக்க நினைத்து சொதப்புவது ஏமாற்றமே.
முன்னர், பிராவோ அணியில் இருக்கும் போது இப்படி கடைசி 4 ஓவர்களை வீச வைப்பார். ஆனால், பிராவோ டெக்னிக், ஆக்ஷன் வேறு. அது பதிரானா ஆக்ஷன், டெக்னிக்-க்கு கை கொடுக்கவில்லை.