குழந்தையின்மை பிரச்னை இளம் தம்பதிகள் தற்போது மத்தியில் அதிகரித்து வருகிறது. விளைவு, எந்தெந்த உணவுகளைச் சாப்பிட்டால் விந்தணுக்கள் வீரியமாக இருக்கும் என்று பலரும் தேடி வருகிறார்கள். விகடன் டாட் காம் வாசகர்கள் சிலரும் இந்தக் கேள்வியை நமக்கு மெயில் செய்திருந்தார்கள். அவர்களுக்கு பதில் சொல்கிறார், மூத்த பாலியல் மருத்துவர் நாராயண ரெட்டி.
“எந்தெந்த உணவுகள் சாப்பிட்டால் விந்தணுக்கள் வீரியமாக இருக்கும் என்பதைச் சொல்வதற்கு முன்னால், அனைவரும் தெரிந்து கொள்ள வேண்டிய முக்கியமான தகவல் ஒன்று இருக்கிறது. ஆணுறுப்பும் விந்தணுக்களும், கண், காது போல உடம்பின் ஒரு பகுதிதான். ஓர் ஆணின் ஆரோக்கியத்துக்கு எவையெல்லாம் நன்மை செய்யுமோ, அவை விந்தணுக்களின் வீரியத்துக்கும் நன்மையே செய்யும். `இல்ல டாக்டர், நீங்க உணவுகளோட பெயர்களைச் சொல்லிடுங்க’ என்றால், காய்கறிகள், கீரைகள், பருப்பு வகைகள், சிக்கன், மட்டன், மீன், முட்டை என்று உங்கள் உணவு சரிவிகிதமாக இருந்தால், விந்தணுக்கள் வீர்யமாக இருக்கும்.
