பவர்ப்ளேயில் குஜராத் அணி 35 ரன்களை மட்டுமே எடுத்திருந்தது. ‘பவர்ப்ளேயில் விக்கெட் எடுக்க வேண்டும். ரன் கொடுக்கக்கூடாது.’ என இதைத்தான் தோனி சீசன் முழுக்க சொல்லிக்கொண்டே இருந்தார். இன்றுதான் அது நடந்தது. பவர்ப்ளேக்குப் பிறகே குஜராத்துக்கு தேவைப்பட்ட ரன்ரேட் 12 க்கும் மேல் சென்றுவிட்டது. அழுத்தம் கூடியது.
சாய் சுதர்சனும், ஷாருக் கானும் நின்று ஆடி பார்ட்னர்ஷிப்பை பில்ட் செய்தனர். ஆனால், இருவரையும் ஒரே ஓவரில் வெளியேற்றி அசத்தினார் ஜடேஜா. இதன்பிறகு ஆட்டம் மொத்தமும் சென்னையின் கையில். சிவம் துபே, தீபக் ஹூடாவுக்கெல்லாம் ஓவர் கொடுத்து ஜாலியாக 147 ரன்களில் குஜராத்தை ஆல் அவுட் ஆக்கினர். 83 ரன்கள் வித்தியாசத்தில் சென்னை அணி வெற்றி பெற்றது.
சென்னை அணி எப்படி ஆட வேண்டும் என ரசிகர்கள் நினைத்தார்களோ அப்படியே ஆடியிருக்கின்றனர். 10 வது இடத்தை தவிர்க்க முடியவில்லை. ஆனாலும் அடுத்த சீசனுக்கு நம்பிக்கையளிக்கும் வகையில் அடையாளம் கண்டு எடுத்துச் செல்கிறது சிஎஸ்கே. கம்பேக் கொடுப்பது சிஎஸ்கேவுக்கு கை வந்த கலை. அடுத்த சீசனில் தெம்பாக வந்து கர்ஜியுங்க மஞ்சள் பாய்ஸ்!
நீங்கள் CSK வுக்கு கொடுக்க நினைக்கும் டிப்ஸ் என்ன என்பதைக் கமென்ட்டில் தெரிவியுங்கள்!
