இதுமட்டுமில்லாமல் வித்தியாசமாக கொய்யா இலை தோசை, அருகம்புல் பூரி, இதற்கு சைட்- டிஷ் செம்பருத்தி பூ சட்னி, சுரைக்காய் பாயாசம், சுரைக்காய் பர்பி, மஞ்சள்கிழங்கு சூப், கத்தாழை கோதுமை அல்வா, கொய்யா பஜ்ஜி, ஆப்பிள் பஜ்ஜி, முருங்கைக்காய் பிரியாணி என்று என்று கலர்ஃபுல்லாக சத்தான உணவுகளும் போட்டியில் வரிசை கட்டின.
வீட்டிலிருந்து சமைத்து கொண்டுவரப்பட்ட உணவுகளை காட்சிப்படுத்தும் முதல் சுற்று முடிவடைந்த நிலையில் அடுத்த சுற்றான நேரடி சமையலுக்கு 10 போட்டியாளர்கள் தேர்வுசெய்யப்பட்டுள்ளனர். சிறப்பான உணவுகளைத் தயார் செய்து வந்ததற்காக முதல் சுற்றிலிருந்து 3 போட்டியாளர்கள் நேரடியாக இறுதிப்போட்டிக்கு தேர்வாகியுள்ளனர். இரண்டாவது சுற்றில் 5 போட்டியாளர்கள் இறுதிப்போட்டிக்கு தேர்வாகியுள்ளனர். இதில் வெற்றி பெறுபவர்கள் இறுதிப் போட்டியில் களம் காண்பார்கள்.
