தேவையானவை:
மைதா- 1 கப்,
போன்விடா – 5 ஸ்பூன்,
சர்க்கரை- 1 கப்,
நெய்- ¼ கப்,
ஏலக்காய் பொடி- ¼ ஸ்பூன்.
செய்முறை:
ஒரு பாத்திரத்தில் ஒரு ஸ்பூன் நெய்விட்டு அடுப்பில் வைத்து மைதாவை நன்கு வறுக்கவும். மாவு ஆறியவுடன் போன்விடாவை நன்குக் கலந்து வைக்கவும். மற்றொரு பாத்திரத்தில் சர்க்கரைப் போட்டு ½ டம்ளர் தண்ணீர் ஊற்றி அடுப்பில் வைத்து பாகுக் காய்ச்சவும். பாகு கொதிவரும் போது சிறிது சிறிதாக மைதா மாவைத் தூவி நன்கு கிளறவும். எல்லா மாவும் சேர்த்தப் பிறகு நெய் ஊற்றி ஏலக்காய் பொடிப் போட்டுக் கிளறவும். கலவைப் பாத்திரத்தில் ஒட்டாமல் திரண்டு வரும் போது நெய் தடவிய தட்டில் கொட்டிச் சிறிது ஆறியவுடன் கட் செய்து பரிமாறலாம்.
