50 வயது என்பது பெண்களுக்கு மாதவிடாய் முற்றுப் பெறுவதற்கான காலம். இந்த வயதை நெருங்கும் பெண்களுக்கு ஈஸ்ட்ரோஜென் மற்றும் புரொஜெஸ்டிரான் ஹார்மோன்களின் உற்பத்தி குறைந்துவிடும். அதனால் பிறப்புறுப்புப் பகுதியில் எரிச்சல் ஏற்படத் தொடங்கும். அதற்கு அட்ரோபிக் வெஜைனைட்டிஸ் (Atrophic Vaginitis) என்று பெயர். இந்தப் பிரச்னைக்கு மருத்துவர் பரிந்துரைக்கும் ஈஸ்ட்ரோஜென் திரவங்களைப் பயன்படுத்தினால் எரிச்சல் குறையும்.
சிறுநீரகக் கோளாறுகள், குறிப்பாக சிறுநீர் கழிக்கத் தொடங்கும்போது ஏற்படும் வலி… யூரித்ரைட்டிஸ் (Urethritis), சிறுநீர் கழித்த பிறகு ஏற்படும் வலி… சிஸ்டைட்டிஸ் (Cystitis) ஆகிய இரண்டு பிரச்னைகள் இந்தச் சமயத்தில் வரலாம். இவை இரண்டுமே உடலில் நீர்சத்துக் குறைபாட்டால் ஏற்படுபவை.
தினமும் குறைந்தபட்சம் 2 லிட்டர் தண்ணீர் குடிக்க வேண்டும். 3 முதல் 4 குழந்தைகளைப் பெற்ற தாய்மார்களுக்கு கர்ப்பப்பை இறங்கி இருக்க வாய்ப்பு உண்டு. பிரச்னையைக் கண்டறிந்தவுடன் மருத்துவரிடம் சிகிச்சை பெறுதல் வேண்டும். பெண்களுக்கு அந்தரங்கப் பகுதிகளில் தொற்றோ, பிரச்னையோ ஏற்பட்டால் மருத்துவரை அணுகாமல், சுயமாக மருந்துகள் எடுப்பதை முற்றிலும் தவிர்க்க வேண்டும்” என்றார்.
– சொர்ணமீனா ராமநாதன்
