திமுகவின் தலைவர், பொதுச்செயலாளர், பொருளாளர் பதவிக்கான வேட்பு மனு தாக்கல் நிறைவடைந்த நிலையில், தலைவர் பதவிக்கு முதலமைச்சரும் திமுக தலைவருமான மு.க.ஸ்டாலினும், பொதுச்செயலாளர் பதவிக்கு துரைமுருகன் பொருளாளர் பதவிக்கு டி.ஆர்.பாலுவும் போட்டியின்றி தேர்வாகினர். இதனால் இரண்டாம் முறையாக மு.க.ஸ்டாலின் திமுகவின் தலைவராகிறார்.
திமுகவின் தலைவர், பொதுச்செயலாளர், பொருளாளர் பதவிக்கான வேட்பு மனு தாக்கல் நடைபெற்றது. அதன்படி காலை 10 மணி முதல் மாலை 5 வரை நடைபெற்ற வேட்பு மனு தாக்கலில் மூன்று பேரையும் எதிர்த்து யாரும் மனு தாக்கல் செய்யாத நிலையில் போட்டியின்றி தேர்வாகியுள்ளனர்.
திமுக தலைவர் மு.க.ஸ்டாலின் பெயரில் அமைச்சர்கள், மாவட்ட செயலாளர்கள் என நூற்றுக்கும் மேற்பட்டோர் வேட்பு மனு தாக்கல் செய்தனர்.
இதேபோல் பொதுச் செயலாளர் துரைமுருகனுக்கும் பொருளாளர் டி ஆர் பாலுவுக்கும் 30க்கும் மேற்பட்டோர் மனு தாக்கல் செய்தது குறிப்பிடத்தக்கது.
இருப்பினும் அதிகாரப்பூர்வ அறிவிப்பு வருகின்ற ஒன்பதாம் தேதி அமைந்தகரையில் நடைபெற உள்ள திமுக பொதுக்குழுவில் வெளியாக உள்ளது.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
