குழந்தைகளுக்கு பிடித்த கார அம்மிணி கொழுக்கட்டை செய்ய ஈஸி ரெசிபி!

முதலில் மாவு பிசைவதற்கு தண்ணீரை அடுப்பில் வைத்து அதில் தேங்காய் எண்ணெய் மற்றும் உப்பு சேர்த்து தண்ணீரை நன்கு கொதிக்க விடுங்கள்.

கொதித்த பின்னர் ஒரு அகலமான பாத்திரத்தில் மாவை எடுத்துக் கொள்ளுங்கள். அதில் கொதிக்க வைத்த தண்ணீரை கொஞ்சம் கொஞ்சமாக சேர்த்து கரண்டியால் கிளறிக்கொள்ளுங்கள்.

மிதமான சூட்டிற்கு வந்த பின் கையால் நன்றாக அழுத்தம் கொடுத்து மிகவும் தண்ணீராக இல்லாமல் மிகவும் கெட்டியாகவும் இல்லாமல் சப்பாத்தி மாவு பதத்தை விட சிறிது தளதள வெண இருக்குமாறு பிசைந்து கொள்ளுங்கள்.

அதன்பின்னர் கொழுக்கட்டை செய்ய வட்ட வடிவம் சரியாக வருகிறதா என்பதை செக் செய்து கொள்ளுங்கள். அதனை ஒரு ஒரு ஈர துணியால் மூடி சிறிது நேரம் ஓரமாக வைத்து கொள்ளுங்கள்.

அதன்பின்னர் மாவை சிறிது சிறிது உருண்டையாக பிடித்து இட்லி தட்டில் 15 நிமிடங்கள் ஆவியில் வேக வைத்து எடுத்து கொள்ளுங்கள்.

அதன்பின்னர் ஒரு கடாயில் எண்ணெய் சேர்த்து கடுகு, உளுத்தம் பருப்பு, சீரம் மற்றும் கறிவேப்பிலை சேர்த்து பொறிந்ததும் அதில் வேக வைத்த கொழுக்கட்டை உருண்டைகளை சேர்த்து கிளறிக் கொள்ளுங்கள். அதன் பின்னர் அதில் விருப்பப்பட்ட இட்லி பொடியை சேர்த்து கிளறினால் கார அம்மிணி கொழுக்கட்டை தயார்.