ஆன்லைனில் டெலிவரி செய்யப்படும் உணவுப் பொருள்கள் அதன் தேக்க ஆயுளில் 30% மீதமுள்ளதா, காலாவதி ஆவதற்கு 45 நாள்கள் மீதம் உள்ளதா என்பதை உறுதி செய்ய வேண்டும்.
இந்திய உணவு பாதுகாப்பு மற்றும் தர நிர்ணய ஆணையம் FSSAI, Swiggy, Zomato, Bigbasket போன்ற இ-காமர்ஸ் உணவு நிறுவனங்களின், தயாரிப்புகளுக்கு குறைந்தபட்ச ஆயுளை நிர்ணயித்துள்ளது.
FSSAI இன் தலைமை நிர்வாக அதிகாரி தலைமையில் நடைபெற்ற கூட்டத்தில், நுகர்வோரின் ஆரோக்கியத்தை பாதுகாத்தல் மற்றும் பொறுப்பான உணவு கையாளுதல் நடைமுறைகளை மேம்படுத்துதல் போன்ற தலைப்புகளில் இ-காமர்ஸ் உணவு வணிக ஆபரேட்டர்களுடன் கலந்துரையாடினார்.
