கார பூரண கொழுக்கட்டை செய்ய ஈஸி ரெசிபி!

முதலில் மாவு பிசைவதற்கு தண்ணீரை அடுப்பில் வைத்து அதில் தேங்காய் எண்ணெய் மற்றும் உப்பு சேர்த்து தண்ணீரை நன்கு கொதிக்க விடுங்கள்.

கொதித்த பின்னர் ஒரு அகலமான பாத்திரத்தில் மாவை எடுத்துக் கொள்ளுங்கள். அதில் கொதிக்க வைத்த தண்ணீரை கொஞ்சம் கொஞ்சமாக சேர்த்து கரண்டியால் கிளறிக்கொள்ளுங்கள்.

மிதமான சூட்டிற்கு வந்த பின் கையால் நன்றாக அழுத்தம் கொடுத்து மிகவும் தண்ணீராக இல்லாமல் மிகவும் கெட்டியாகவும் இல்லாமல் சப்பாத்தி மாவு பதத்தை விட சிறிது தளதள வெண இருக்குமாறு பிசைந்து கொள்ளுங்கள்.

அதன்பின்னர் கொழுக்கட்டை செய்ய வட்ட வடிவம் சரியாக வருகிறதா என்பதை செக் செய்து கொள்ளுங்கள். அதனை ஒரு ஒரு ஈர துணியால் மூடி ஓரமாக வைக்கவும்.

அடுத்து பூரணம் செய்ய உளுந்தை 1/2 மணி நேரம் முதல் 1 மணி நேரம் வரை ஊற வைத்து எடுத்து கொள்ளுங்கள்.

பின்னர் ஒரு மிக்ஸி ஜாரில் பச்சை மிளகாய், உப்பு, பெருங்காய தூள் உளுந்து சேர்த்து கரகர வென பல்ஸ் மோடில் அரைத்து எடுத்து கொள்ளுங்கள்.

பின்னர் இட்லி பாத்திரம் அல்லது இடியாப்ப தட்டில் முழுவதுமாக துணியை விரித்து அதில் அரைத்த மாவை சேர்த்து பரவாலாக பரப்புங்கள்.

இட்லி பாத்திரத்தில் வைத்து மிதமான தீயில் 15 நிமிடங்கள் வேக வைத்து எடுத்து கொள்ளுங்கள். 10 நிமிடங்கள் ஆறிய பின்னர் அதை மிக்ஸி ஜாரில் சேர்த்து பல்ஸ் மோடில் உதிரி உதிரியாக அரைத்து எடுத்து கொள்ளுங்கள்.

பூரணத்தை தாளிக்க ஒரு பேனில் 1 1/2 டீஸ்பூன் அளவு எண்ணெய் சேர்த்து, கடுகு, காய்ந்த மிளகாய், கறிவேப்பிலை சேர்த்து தாளித்து பொரிந்ததும் அரைத்து வைத்த உளுந்தை சேர்த்து கலந்து கொள்ளுங்கள்.

பின்னர் கொழுக்கட்டை மாவை வட்டமாக பிடித்து அதில் 1 ஸ்பூன் கார பூரணத்தை வைத்து பிரை நிலவு போல் பிடித்து மாவு முழுவதுமாக மூடுமாறு பிடித்து கொள்ளுங்கள்.

கொழுக்கட்டையை 15 நிமிடங்கள் ஆவியில் வேக வைத்து எடுத்து கொண்டால் சுவையான கார பூரண கொழுக்கட்டை தயார்.