டீ அல்லது காபி குடிக்காமல் சிலருக்கு நாளே ஓடாது. ஆனால், சமீபத்தில் மார்க் ஸுக்கர்பெர்க் தனக்கு காபி, டீ குடிக்கும் பழக்கம் இல்லை என்று தெரிவித்துள்ளார்.
39 வயதாகும் மார்க் ஸுக்கர்பெர்க்கை ஒரு டெக் ஜாம்பவான் என்றே கூற வேண்டும். இவர் `Threads App’ லான்ச் செய்யும் போது கேட்கப்பட்ட ஒரு கேள்விக்குப் பதிலளிக்கையில், `காலையில் எழுந்ததும் மனதைத் தெளிவாக்க, வேலையைத் தாண்டி மிக்ஸ்டு மார்ஷியல் ஆர்ட்ஸ் (Mixed Martial Arts) போன்ற விளையாட்டுகளில் கவனம் செலுத்துவேன்.
அதிக புரதம், குறைவான சர்க்கரை, மிகவும் குறைந்த அளவு ஆல்கஹால் எடுத்துக் கொள்வேன். 7 முதல் 8 மணிநேரம் வரை உறங்குவேன். காபி/ டீ உட்கொள்ளும் பழக்கம் கிடையாது. கஃபைன் (caffeine) எடுத்துக்கொள்வதே கிடையாது’’ என்று தெரிவித்துள்ளார்.
