புவனேஷ்வர்: நடப்பு இன்டர்கான்டினென்டல் கோப்பை தொடரில் சாம்பியன் பட்டம் வென்றுள்ளது இந்திய அணி. இறுதிப் போட்டியில் லெபனான் அணியை வீழ்த்தி பட்டம் வென்றுள்ளது இந்தியா. 2-0 என்ற கோல் கணக்கில் இந்தியா இந்த வெற்றியை பதிவு செய்துள்ளது.
ஒடிசா மாநிலம் புவனேஷ்வரில் 4 நாடுகள் பங்கேற்ற இன்டர்கான்டினென்டல் கோப்பை கால்பந்து தொடர் நடைபெற்றது. இதில் இந்திய அணி முதல் இரு லீக் ஆட்டங்களிலும் மங்கோலியா, வனுவாட்டு அணிகளை வீழ்த்தி இறுதிப் போட்டிக்கு தகுதி பெற்றது. கடைசி லீக் ஆட்டத்தில் லெபனானுடன் போட்டி டிராவில் முடிந்தது.
